Булган аймгийн Боловсролын салбарын онцлох үйл явдал

Булган аймгийн боловсрол соёлын газраас улиран өнгөрөх гэж байгаа 2010 онд ажил үйлс ихтэй, амжилт бүтээл арвинтай үдэж байгаагийн дотроос онцлох 10 үйл явдлаа сонгон нэрлэжээ. 2006 оноос эхлэн салбарынхаа хамт олны саналыг үндэслэн оны онцлох үйл явдлыг нэрлэдэг болсон уламжлалын дагуу өнөө жил төв хөдөөгийн багш, сурган хүмүүжүүлэгчдийн 41,1 хувийн төлөөлөл буюу 234 хүнээс санал авчээ. Тэдгээрийг багцлан ангилахад 33 үндсэн үйл явлал нэрлэсэн байсны дотроос дараахь 10 үйл явдлыг сонгон нэрлээд байна. Үүнд:

1. -“Багшлахуйн арга зүйн хөгжлийг түгээн дэлгэрүүлэх тогтолцоог бэхжүүлэх төсөл”-ийн хангайн бүсийн загвар аймаг болсны үндсэн дээр зохион байгуулсан сургалт
2. -АНУ, Япон, БНСУ, БНХАУ, ОХУ-ын Буриад улсын Закамень аймагт олон багш, соёлын ажилтан нарын мэргэжлийг дээшлүүлж, ажил үйлс нэгтэн нөхдийнх нь арга туршлагатай танилцуулах аялалд оролцуулсан
3. -Хануй дахь “Багш” амралтыг БСШУЯ, салбарын байгууллагуудын хүч, хөрөнгөөр сэргээн засварласан.
4. -Могод, Дашинчилэн, Тэшиг зэрэг сумдын сургуулиудын түүхт ойг төгсөгч хамт олны өргөн баяр болгон тэмдэглэсэн.
5. -Канад загварын цэцэрлэгийн барилгыг Монголын хөдөө нутагт анх удаа Могод суманд барьж ашиглалтад оруулсан.
6. -“Үдийн цай” хөтөлбөрийг хэрэгжүүлэх загвар цайны газрыг хөдөө суманд анх удаа БСШУЯ, ШУТИС-ийн “Шим тэжээл төв”, БИСУ-ын “WITH” төрийн бус байгууллагын дэмжлэг, хөрөнгө оруулалтаар Дашинчилэн сумын сургуульд байгуулсан.
7. - “Уран тогоо” бүст зохион байгуулсан ахмад багш нарын уулзалт
8. -Төвийн бүсийн аймгуудын багш нарын спортын бага наадам.
9. -Өргөн хүрээнд ажил хэрэгчээр зохион байгуулсан аймгийн багш нарын бүсчилсэн бага хурал, семинар
10. -Аймгийн төвийн дөрөвдүгээр цэцэрлэг улсын тэргүүний цэцэрлэгээр шалгарсан

зэрэг 2010 оны онцлох үйл явдлаар нэрлэв.