Өвөрхангай аймгийн бичиг үсгийн тайлагдалт 98.6 хувьтай байна

Хүн амын бичиг үсгийн тайлагдалтыг төвшинг нэмэгдүүлэх, хүүхэд залуучуудад чанартай боловсрол олгох ажлыг төрийн ба төрийн бус байгууллага, олон улсын төслийн хандив тусламжаар зохион байгуулснаар нийт 1555 суралцагч бичиг үсгийн, амьдрах ухааны сургалтанд хамрагджээ. Хүн амын бичиг үсэг тайлагдалтын түвшин 2008 онд 98.3 хувьтай байсан бол 2010 онд 98.6 хувьд хүрээд байна.

Улсын олимпиад Өвөрхангайд болно

Өвөрхангай аймаг байгуулагдсаны түүхт 80 жилийн ой ирэх онд тохионо. Ойг тэмдэглэх ажлын хүрээнд Математикийн улсын олимпиадыг Өвөрхангай аймгийн уугуул нэрт математикч Ц.Дашдоржийн нэрэмжит болгон орон нутагтаа зохион байгуулах санал санаачилгыг аймгийн Иргэдийн төлөөлөгчдийн хурлаар хэлэлцэж шийдвэрлэсэн бөгөөд санал, шийдвэрийг олимпиад зохион байгуулах улсын хороонд уламжлаад байна.