Хан-Уул дүүрэг Е-Оffice системийг дахин шинэчилж нэвтрүүллээ

   Хан-Уул дүүрэг цахим дүүрэг болох зорилт тавин ажиллаж иргэдэд төрийн үйлчилгээний талаарх мэдээллийг цахим хуудсаар өгч, өргөдөл, гомдол саналыг онлайнаар авч байгаа билээ. Энэхүү зорилтын хүрээнд дүүргийн төр захиргааны ажилтан албан хаагчдын цаасны хэрэглээ, ажлын бүтээмжийг нэмэгдүүлэх, үйл ажиллагааг цахим хэлбэрт оруулахаар e-office системийг дахин шинэчилж нэвтрүүллээ.

Үндэсний татварын алба “Share point” системд шилжиж байна

Монголын татварын алба оффисын шинэчлэлийг хэрэгжүүлэхээр болжээ. Төрийн бусад байгууллагуудтай харьцуулбал, нэлээд сүүлийн үеийн, цахим оффисын системийг тэд нийт албаны хэмжээнд нэвтрүүлж байгаа юм байна. Энэ нь "E Office" буюу "Share point" хэмээх системийг дотооддоо нэвтрүүлж байна. Ингэснээр Татварын ерөнхий газар, түүний харьяа байгууллагууд, аймаг хотын татварын хэлтсүүд, татварын албад энэ программыг ашиглан хоорондоо ямар нэгэн цаасгүйгээр, шууд харилцах горимд шилжих юм.