Архангайн сумд шатрын клубтэй боллоо

Архангай аймгийн Засаг дарга Ё.Баатарбилэгийн санаачлагаар бүх сумдад шатрын клуб байгуулагдлаа. Тус клубыг байгуулахад зориулан Архангай аймгийн нутгийн зөвлөлийн дарга, ХХААХҮ-ийн сайд Т.Бадамжунай шатар, гарын авлага шатрын цаг бэлэглэв.

Номын яармаг худалдаа болов

“Номын яармаг-2010” уламжлалт арга хэмжээ энэ сарын 13-15-ны хооронд Архангай аймгийн Соёлын төв өргөө Хүүхдийн номын ордонд боллоо. Яармагийн үеэр уншигчид,зохиогчид хэвлэн нийтлэгчид,номын санчид хуран чуулж, номын сангийн хуулийн төслийг хэлэлцэж ном тойрсон асууудлаар санал бодлоо хуваалцсан байна.

Архангай аймгийн Өндөр-Улаан сумын Хануй багийн төв цэцэрлэгтэй боллоо

Архангай аймгийн Өндөр-Улаан сумын Хануй багт хүүхдийн цэцэрлэг, бага сургуультай боллоо. Өмнө нь зөвхөн зуны цэцэрлэг ажилладаг байсан ба багийн иргэдийн хүсэлтээр ийнхүү байнгын ажиллагаатай цэцэрлэгтэй болж буй аж. Тус багт бага сургууль байдаг нь энд цэцэрлэг нээж ажиллуулахад нэн дөхөмтэй болсон хэрэг.

Математикийн олимпиад амжилттай болжээ.

Архангай аймгийн “Хүмүүн цогцолбор” нэгдүгээр сургуульд нэрт математикч А.Нямренчин багшийн нэрэмжит олимпиад боллоо. Тус наадам 10 дахь жилдээ зохион байгуулагдаж байгаа ба Өвөрхангай, Архангай, Хөвсгөл, Дундговь, Дархан-Уул, Орхон аймгийн сурагчид оролцлоо.