Монгол Улсын суурь боловсролын тогтолцооны өөрчлөлт болон хөдөөгөөс хот руу шилжих хүн амын өсөлттэй уялдан Нийслэлийн ерөнхий боловсролын сургуулиудын анги танхим хүрэлцэхгүйд хүрээд байна. Нэг анги 50 гаруй хүүхэдтэй байх, гурван ээлжээр хичээллэх, зориулалтын бус зааланд хичээллэх зэрэг хүндрэлтэй нөхцөл байдалтай сургуулиуд ч цөөнгүй байна. Иймд Япон улсын Засгийн газраас бага, дунд сургуулийн барилгыг шинээр барих буюу өргөтгөх буцалтгүй тусламж үзүүлж байна.
Энэ хөтөлбөрийн 4-р үе шат эхлүүлж байгаа бөгөөд үүний нэг нь нийслэлд шинээр таван дунд сургууль барих ажил юм. Эдгээр таван сургуулиас хамгийн түрүүний ажил болгож, Хан-Уул дүүргийн 8-р хороонд барьсан 118-р сургуулийг өнөөдөр хүлээлгэж өглөө. Уг сургууль 18 танхимд 800 гаруй сурагч, 60 багштай үйл ажиллагаа явуулахаар шинэ хичээлийн жилээ эхлүүлж байна. Японы “Жайка” олон улсын байгууллагын “Бага дунд боловсролын барилга байгууламжийг сайжруулах” төслийн хүрээнд сургуулийг олон ээлжээр хичээллүүлэхгүй байх зорилт тавин ажилллаж байгаа бөгөөд тус дүүргийн 8-р хороо нь ерөнхий боловсролын сургууль байхгүйгээс сургууль завсардах, өөр бусад сургуульд дамжин суралцах байдал гардаг байсан учир Хан-Уул дүүргийн удирдлагуудын хүсэлт, чармайлтаар шинэ сургууль ийнхүү үүдээ нээж байна. Спорт заал бүхий энэ сургууль ашиглалтад орсноороо тус хорооны хүүхдүүд гэрээсээ ойр сургуульд хамрагдах боломж нээгдэж байгаагаас гадна суралцах таатай орчин бүрдэж байгаад сурагчид болон тэдний эцэг эх, Хан-Уул дүүргийн иргэд өндөр байна.
No comments:
Post a Comment