miniCMS буюу Вэбийн мэдээлэл боловсруулагч систем

miniCMS буюу Вэбийн мэдээлэл боловсруулагч систем нь 2005 онд бүтээгдсэн бөгөөд уг системийн туршилтын хувилбар нь Монгол компаниудын вэбсайтыг хийхэд зориулагдан бүтсэн учраас жижиг танилцуулга вэбсайт хийхэд илүү тохиромжтой болж өгсөн юм. Мөн ажиллагааны хувьд энгийн, хялбар, ойлгомжтой болсон.
2005 онд бүтээгдсэн уг системээр 2007 оны эхэн үеийн байдлаар 60 гаран вэбсайт түүний дотор Скайтел (2006), Таванбогд(2006), Japantown буюу одоогийн "Four Seasons Gardens" (2006), Xerox-ийн Монгол дахь салбар (2006), IVCO(2005,2006), Globe Group(2005,2006), Анун (2005), Дэлхийн Зөн олон улсын байгууллага зэрэг байгууллага (2005,2006), Airnetwork (2006), Номин тур (2006), Витафит (2006), Худалдаа Хөгжлийн Банк (2006) зэрэг газруудад ашиглагдсан байна.

Бид 2006 оны 12 сард уг системийн шинэчилсэн miniCMS v1.0 хувилбарыг ашиглалтанд оруулсан ба www.skytel.mn (Skytel LLC), www.karaoke.mn, www.summit.mn (Summit Computer Technology LLC), www.a3xvv.com , www.marc-o-polo.mn (Marc o'Polo дэлгүүр),  зэрэг сайтууд уг системийг ашиглан ажиллаж эхлээд байна.

2008 оны 1р сард системийн v2 хувилбарыг гүйцэтгэж удирдлагын талбарыг шинэчилэ, системийн үндсэн хэсгийг салгаж өгснөөр хөгжүүлэлтийг явцыг илүү хялбар болгов. Вэб бүр нь өөрийн тусгай нэмэлт програмчлалтай байх боломжтой бөгөөд уг хэсгийг өөрчлөлгүй системийн шинэчилэлтийг хялбархан гүйцэтгэж болохоор хийж өгсөн нь нууцлал болон аюулгүйн талаасаа илүү оновчтой болж өгсөн. Жишээ нь ямар нэгэн вэб хийгдсэнээр хэдэн сарын дараа уг вэбийг хийх үетэй харьцуулсан шинэчилтийг хийснээр тухайн хугацаан дахь шинэчилэлтүүд бүрэн орж гарсан алдаанууд засварлагдах боломжтой. Мөн хэд хэдэн сайт системийн үндсэн хэсгийг зэрэг ашиглаж болох боломжтой бөгөөд бүгд нэг хэрэглэгчийн системийг ашиглах боломжийг бүрдүүлсэн нь одоогийн бидний ажлуулдаг АЗ СҮЛЖЭЭ сайтуудын хувьд ерөнхийдөө  1-с олон вэбсайттай газруудын хувьд маш зохимжтой шийдэл болсон.

Одоогоор v2 хувилбарыг ашигладаг 30 давсан вэбсайтууд байгаа бөгөөд түүний дотор 35000 давсан гишүүнчлэлтэй сайт болох www.yadii.net түүнчлэн www.newcom.mn, www.mhri.mn (Монголын Хүний Нөөцийн Институт), www.pms.mn, www.gazar.org, www.geree.mn зэрэг сайтуудад ашиглагдаж байна.

Шинэ хувилбарын давуу тал нь Портал чиглэл рүү түлхүү анхаарсан бөгөөд энэ чиглэлийн сайтуудад зориулагдсан болно.
miniCMS буюу Вэбийн мэдээлэл боловсруулагч систем